Vellari Pattanam (2023) Sinhala Subtitles
සිංහල උපසිරැසි
මේ කතාව ගෙතෙන්නේ එකම පවුලේ සහෝදරයෙකුයි, සහෝදරියකුයි වටා. ඒ තමයි K.P. සුනන්දා (මංජු වාරියර්) සහ K.P. සුරේෂ් (සෞබින් ශාහීර්). මේ දෙන්නා එකම වහලක් යට ජීවත් වුණත්, දේශපාලන වශයෙන් ඉන්නේ සම්පූර්ණයෙන්ම අන්ත දෙකක. කේරළයේ චක්කරක්කුඩම් කියන ගමේ පංචායත මැතිවරණය මුල් කරගෙන තමයි මේ කතාව ගලාගෙන යන්නේ. තමන්ගේ සහෝදරියට වඩා දේශපාලනයෙන් ඉස්සරහට යන්න සුරේෂ් දරන උත්සාහයත්, ඊට කිසිසේත්ම නොදෙවෙනිව සුනන්දා දෙන අභියෝගයත් කතාවේ ප්රධානම හරය වෙනවා.
මේ චිත්රපටයේ ලොකුම ශක්තිය තමයි මංජු වාරියර් සහ සෞබින් ශාහීර් දෙන්නගේ සුසංයෝගය. සාමාන්යයෙන් පවුලක සහෝදරයෝ දෙන්නෙක් අතර තියෙන කෝන්තර සහ රණ්ඩු, දේශපාලනයත් එක්ක මුසු වුණාම එන විනෝදාත්මක ගතිය මේ දෙන්නා තිරයේ නියමෙටම නිරූපණය කරලා තියෙනවා. සුරේෂ්ගේ තියෙන ඊර්ෂ්යා සහගත, බොළඳ දේශපාලන වැඩ වගේම, සුනන්දාගේ තියෙන ශක්තිමත්, කපටි දේශපාලන මුහුණුවර කතාවට ලොකු ජීවයක් දෙනවා.